UMMÆLI

Dagmar Warning, 2006, "Faroese Art":

"Sigrun Gunnarsdóttir (f. 1950) tykist vera heilt fyri seg í føroyska listaumhvørvinum. Kortini er føroyska mentanarávirkanin greið, og hennara verk kunnu ikki hugsast úr føroyska ella norðurlendska samanhanginum. Hon er figurativ í sínum súmbolska myndamáli, og tað er lívsins djúpa meining, sum er uppá spæl. Tað er undurverkið í skapanini, ofta í skapi av einari elalítlari blómu ella einum lítlum fugli, sum seta tingini í perspektiv. Myndevnini eru ofta áleypandi, beinleiðis og ongantíð uttan støðu. Um tað er tann einsamalli, ein føðing ella ein gomul kona við teimum stóru, grovu slithondunum hon myndar, lýsir verkið av menniskjaligum hita".

Jens Frederiksen, 2003, "Faroese Art":

"- Verkini hjá Sigrun Gunnarsdóttir eru forteljandi og full av symbolskum og religiøsum yvirtónum. Fuglurin, plantan, fjallið, barnið hava verið fastir episkir súmbolskir vísar í einum alheimi, sum hevur flutt seg móti dreymakendum og surrealum sjónarringum. Longsul, syndring, vón og bjarging hava verið temu".

Eva Furset, 2002, "Atlantic Visions, 8 KUNSTNERE fra Færøerne":

"Eitt tað mest sermerkta føroyska listafólki í okkara tíð er Sigrun G. Niclasen. Myndevnini eru eitt sindur naivistisk í myndamálinum, og litirnir eru dapurt gráligir. Bæði stílurin og tað ógvuliga ørkymlandi huglagið, sum síggjast í verkunum hjá Sigrun, fáa okkum at hugsa um Giorgio de Chirico (1888-1978), italienski undangongumaðurin í surrealismuni og symbolismini. Og á sama hátt sum í myndunum hjá Chirico, so fata vit uttan hóvasták innihaldið í myndunum hjá Sigrun, men hóma beinanvegin eitt metaforiskt lag, sum talar til tað ótilvitaða. Táið vit hava hugt at hennara myndum, eru tær sum brendar inn í sjónina, og vit hava tær við okkum í huganum í langa tíð eftir".